IPL 2024 Schedule: आयपीएल 2024 वेळापत्रक: जाणून घ्या आगामी लोकसभा निवडणुकीशी त्याचा काय संबंध आहे?

IPL 2024 Schedule | आयपीएल 2024 वेळापत्रक: आयपीएल 2024 सीझन अजून दूर आहे. याआधी भारतीय संघाला अनेक सामने खेळायचे आहेत. मात्र, नुकतेच सर्व 10 संघांनी आपापल्या खेळाडूंची रिटेन आणि रिलीजची यादी जाहीर केल्यावर पुन्हा एकदा वातावरण निर्मिती झाली आहे. पुढील वर्षी होणाऱ्या आयपीएलमध्ये आपल्या संघात रिटेन केलेल्या खेळाडूंची नावे आणि लिलावासाठी प्रत्येक संघाकडे उपलब्ध असलेली रक्कम या बाबत माहिती समोर आली आहे आणि लवकरच लिलावाची प्रक्रियाही पार पडणार आहे. पण आता आयपीएल २०२४ कधी होणार आणि त्याचे पूर्ण वेळापत्रक बीसीसीआय कधी जाहीर करणार याबद्दल चाहत्यांमध्ये उत्सुकता आहे. आयपीएल २०२४ च्या वेळापत्रकाबाबत एक नवीन माहिती समोर आली आहे.

700 हून अधिक खेळाडूंनी आपली नोंदवली नावे

इंडियन प्रीमियर लीग (IPL) ची 17 वी आवृत्ती 2024 मध्ये खेळवली जाणार आहे. त्यादृष्टीने तयारी जोरात सुरू झाली आहे. कोट्यवधी क्रिकेट चाहते आयपीएल सुरू होण्याची वाट पाहत आहेत. मात्र, त्याआधी आयपीएल 2024 चा लिलाव 19 डिसेंबरला होणार आहे. येथे 70 खेळाडूंचे भवितव्य ठरणार आहे. एका अंदाजानुसार, या 70 ठिकाणी 700 हून अधिक खेळाडूंनी आपली नावे नोंदवली आहेत, परंतु निवडलेल्या खेळाडूंनाच लिलावात संधी दिली जाईल.

डेट शीट आल्यानंतर आयपीएलचे वेळापत्रक जाहीर होऊ शकते

मीडिया रिपोर्ट्सवर विश्वास ठेवला तर, पुढील वर्षी देशात होणाऱ्या सार्वत्रिक निवडणुकांच्या तारखा जाहीर होईपर्यंत आयपीएल 2024 चे वेळापत्रक जाहीर केले जाणार नाही. याचा अर्थ निवडणूक आयोग जेव्हा पुढील वर्षी देशात होणाऱ्या लोकसभा निवडणुकांच्या तारखा जाहीर करेल, तेव्हाच आयपीएल 2024 चे वेळापत्रक आयपीएल गव्हर्निंग कौन्सिलतर्फे जाहीर केले जाईल.

हे ही वाचा: भारताचा दक्षिण आफ्रिका दौरा, जाणून घ्या केव्हा सुरू होतील सामने

आयपीएलचे सामने भारतातच होणार का?

साधारणतः एप्रिल आणि मे दरम्यान आयपीएल विंडो असते पण त्याच सुमारास लोकसभा निवडणुकाही होणे अपेक्षित आहे. अशा परिस्थितीत 2024 चे सामने भारतातच खेळवले जातील का असा प्रश्नही काही चाहत्यांच्या मनात आहे. कारण लोकसभा निवडणुकीच्या संदर्भात देशात सुरक्षा हा मोठा मुद्दा असेल. अशा परिस्थितीत सार्वत्रिक निवडणुकीची तारीख पत्रक जाहीर झाल्यानंतरच या विषयावर निर्णय आयपीएल गव्हर्निंग कौन्सिल घेईल. २०१४ च्या लोकसभा निवडणुकीच्या वेळी आयपीएल अंशतः युएई मध्ये खेळविण्यात आली होती. आयपीएल चे अध्यक्ष अनुराग ठाकूर ही स्पर्धा भारतातच व्हावी याबद्दल आग्रही आहेत पण पुढे येणाऱ्या T20 विश्वचषकामुळे ठरलेली विंडो फारशी हलविता येणार नाही अशा परिस्थितीत पूर्ण किंवा अंशतः या वर्षीची आयपीएल परदेशात खेळविली जाऊ शकते.

याबाबत कोणतीही अधिकृत माहिती नाही

एकंदरीत, हे स्पष्ट आहे की आयपीएल 2024 चे सामने कधी खेळले जातील याबद्दल अद्याप कोणतीही अधिकृत माहिती नाही. तथापि, वंदे महाराष्ट्र (Vande Maharahstra) ला मिळालेल्या काही मीडिया रिपोर्ट्सनुसार बीसीसीआय मार्चच्या तिसऱ्या आठवड्यात आयपीएल सुरू करू शकते जी मे महिन्याच्या तिसऱ्या आठवड्यापर्यंत पूर्ण होण्याची शक्यता आहे. अर्थात, सध्या या बद्दल कुठलीही ठोस माहिती समोर आलेली नाही.