Tata IPL 2023 Schedule: आयपीएल २०२३ चे वेळापत्रक |

ठळक मुद्दे

Tata IPL 2023 Schedule: भारतीय क्रिकेट नियामक मंडळ अर्थात बीसीसीआयने इंडियन प्रीमियर लीगच्या (IPL) 16व्या हंगामाचे वेळापत्रक (Tata IPL 2023 Schedule) जाहीर केले आहे. २०२३च्या हंगामातील पहिली लढत विद्यमान विजेते गुजरात टायटन्स आणि चार वेळा विजेतेपद मिळवणाऱ्या चेन्नई सुपर किंग्ज यांच्यात होणार आहे. ही लढत अहमदाबाद येथे होतील. पहिल्या मॅचची सुरुवात भारतीय वेळेनुसार संध्याकाळी ७.३० वाजता होईल. स्पर्धेच्या दुसऱ्या दिवशी म्हणजेच १ एप्रिल रोजी डबल हेडर खेळवली जाईल. यातील पहिली मॅच पंजाब किंग्ज आणि कोलकाता नाईट रायडर्स यांच्यात तर दुसरी लढत लखनौ सुपर जायंट्स आणि दिल्ली कॅपिटल्स यांच्यात होईल. अहमदाबादच्या नरेंद्र मोदी स्टेडियमवर हा सामना होणार आहे. 28 मे रोजी अंतिम सामना होणार आहे.

Tata IPL 2023 Schedule: 18 डबल हेडर सामने

स्पर्धेत एकूण 18 डबल हेडर असतील, म्हणजेच एका दिवसात 18 वेळा 2 सामने होतील. या दरम्यान, पहिला सामना दुपारी 3.30 वाजता सुरू होईल आणि दुसरा सामना 7:30 वाजता सुरू होईल. 31 मार्च रोजी गुजरात आणि चेन्नई यांच्यातील पहिला सामना, आणखी त्यानंतर एक सामना होईल. तर 2 एप्रिलला दोन डबल हेडर सामने होतील.

1 एप्रिल रोजी पंजाब-कोलकाता आणि लखनऊ-दिल्ली यांच्यात पहिला सामना होणार आहे. त्याचवेळी, 2 एप्रिल रोजी सनरायझर्स-राजस्थान यांच्यात पहिला सामना आणि दुसरा सामना बेंगळुरू-मुंबई यांच्यात होणार आहे. 8 एप्रिलला मुंबई इंडियन्स आणि चेन्नई सुपर किंग्ज यांच्यात सामना होणार आहे.

Tata IPL 2023 Schedule: 58 दिवसांत 74 सामने

आयपीएल २०२३ मध्ये साखळी फेरीत ७० लढती होणार आहे. त्यापैकी १८ लढतींचा समावेश डबल हेडरमध्ये करम्यात आला आहे. 58 दिवस चालणाऱ्या या स्पर्धेत 10 संघांमध्ये एकूण 74 सामने खेळवले जाणार आहेत. एक संघ 14 सामने खेळणार आहे. 10 संघांमध्ये लीग टप्प्यातील 70 सामने होतील. लीग स्टेजनंतर, पॉइंट टेबलमधील टॉप-4 संघ प्लेऑफसाठी पात्र ठरतील.

Tata IPL 2023 Schedule: पुन्हा एकदा होम-अवे फॉरमॅटमध्ये स्पर्धा

कोरोना विषाणूच्या साथीमुळे 2020 मध्ये, IPL चा अर्धा हंगाम भारतात आणि अर्धा UAE मध्ये आयोजित करावा लागला होता. तर 2021 चा हंगाम देखील फक्त UAE मध्ये खेळला गेला. गेल्या हंगामातील 70 लीग सामने महाराष्ट्रातील मुंबई आणि पुणे शहरात बांधलेल्या 4 स्टेडियममध्ये खेळले गेले. त्यानंतर कोलकाता आणि अहमदाबादमध्ये प्लेऑफचे सामने झाले.

यावेळीही 2019 च्या हंगामाप्रमाणे सर्व सामने होम आणि अवे फॉरमॅटमध्ये खेळवले जातील. म्हणजेच, स्पर्धेतील सर्व संघ साखळी टप्प्यातील 14 पैकी 7 सामने त्यांच्या घरच्या मैदानावर आणि उर्वरित 7 सामने विरोधी संघाच्या घरच्या मैदानावर खेळतील. प्लेऑफचे सामने तटस्थ ठिकाणी खेळवले जातील.

हे ही वाचा: हे आहेत इंडियन प्रीमियर लीग 2023 मधील नवीन नियम

Tata IPL 2023 Schedule: कोणत्या मैदानावर होणार लढती?

आयपीएल २०२३च्या हंगामातील लढती देशातील १२ मैदानांवर होणार आहे. यात अहमदाबाद, मोहाली, लखनौ, हैदराबाद, बेंगळुरू, चेन्नई, दिल्ली, कोलकाता, जयपूर, मुंबई, गुवाहाटी आणि धर्मशाळा यांचा समावेश आहे.

१० संघांची दोन गटात विभागणी

स्पर्धेतील १० संघांना दोन गटात विभागण्यात आले आहे. Ipl 2023 Teams & Group |आयपीएल 2023 संघ आणि गट

अ गट
मुंबई इंडियन्स
कोलकाता नाईट रायडर्स
राजस्थान रॉयल्स
दिल्ली कॅपिटल्स
लखनऊ सुपरजायंट्स

ब गट
चेन्नई सुपर किंग्ज
सनरायझर्स हैदराबाद
रॉयल चॅलेंजर्स बंगळुरू
पंजाब किंग्ज
गुजरात टायटन्स