ICC World Cup 2023: ऑस्ट्रेलियात नुकत्याच झालेल्या टी20 वर्ल्डकपवर इंग्लंडच्या संघाने आपलं नाव कोरलं. इंग्लंडने वन डे आणि टी20 या दोन्ही फॉरमॅट्स मध्ये जेतेपद मिळवत सलग दोनवेळा वर्ल्डकप जिंकण्याचा विक्रम केला आहे. आयसीसीच्या मोठ्या टुर्नामेंटमध्ये भारताच्या पदरी पुन्हा एकदा निराशाच पडली. अशातच आता आगामी वर्षात होणाऱ्या मर्यादीत षटाकांतील वन डे फॉर्मेटच्या वर्ल्डकपचे संपूर्ण क्रिकेट विश्वाला वेध लागले आहेत.
ICC World Cup 2023: भारताकडे यजमानपद
2023 मध्ये होणाऱ्या एकदिवसीय क्रिकेट वर्ल्डकप (ICC World Cup 2023) भारत भूषवणार वर्ल्डकपचं यजमानपद, १० शहरांमध्ये रंगणार सामन्यांचा थरारस्पर्धेचं यजमानपद भारताकडे आहे. यापूर्वीही भारताने 1987,1996, आणि 2011 मध्ये वर्ल्डकपचं यजमानपद भूषवलं आहे पण त्यावेळी शेजारील देश पाकिस्तान आणि श्रीलंका यांच्या संयुक्त विद्यमाने वर्ल्डकपचं आयोजन केलं होतं. मात्र, पुढील वर्षी होणाऱ्या एकदिवसीय सामन्यांच्या वर्ल्डकपचं आयोजन भारत स्वत:च करणार आहे. त्यामुळे एकट्या भारताने वर्ल्डकपसाठीचं आयोजन करण्याची ही पहिलीच वेळ आहे. भारतातील दहा शहरांमध्ये या वर्ल्डकपचे सर्व सामने खेळवले जाणार आहेत.
ICC World Cup 2023: वर्ल्डकप 2023 चे संपूर्ण शेड्यूल
आयसीसीकडून ५० षटकांच्या वर्ल्डकप स्पर्धेचं आयोजन 2023 मध्ये ऑक्टोबर-नोव्हेंबर महिन्यात करण्यात येणार आहे. वर्ल्डकपचा पहिला सामना 14 ऑक्टोबर 2023 ला खेळवला जाणार आहे. तर उपांत्य फेरीतील सामने 23 नोव्हेंबरला आणि 24 नोव्हेंबरला खेळवण्यात येतील. अंतिम सामन्याचा थरार 26 नोव्हेंबरला २०२३ रंगणार आहे.
कुठे होतील सामने?
भारताच्या दहा सर्वोत्तम मैदानांवर वर्ल्डकपचे सामने खेळवले जाणार आहेत, अशी माहिती बीसीसीआयच्या सूत्रांनी दिली आहे.
या शहरांमध्ये खेळवले जाणार वर्ल्डकपचे सामने:
१) इकाना स्टेडियम, लखनौ
२) ग्रीन पार्क स्टेडियम, कानपूर
३) इडेन गार्डन, कोलकाता
४) एम ए चिदंबरम स्टेडियम, चेन्नई
५) अरूण जेटली स्टेडियम, दिल्ली
६) नरेंद्र मोदी स्टेडियम, अहमदाबाद
७) राजीव गांधी स्टेडियम, हैदराबाद
८) वानखेडे स्टेडियम, मुंबई
९) पीसीए स्टेडियम, मोहाली पंजाब
१०) एम चिन्नास्वामी स्टेडियम, बंगळूरू
या मैदानात वर्ल्डकपच्या फायनलचा महामुकाबला
संपूर्ण देशभरात विस्तारलेल्या मैदानांवर वर्ल्डकपचे सामने खेळवले जाणार आहेत. पहिल्यांदाच उत्तर प्रदेशची राजधानी लखनौ आणि कानपूरही वर्ल्डकपच्या सामन्यांचे साक्षीदार ठरणार आहेत.
वर्ल्डकप 2023 च्या अंतिम सामन्याचा थरार कोलकाताच्या ईडन गार्डन किंवा अहमदाबादच्या नरेंद्र मोदी स्टेडियममध्ये खेळवला जाईल असं जवळपास निश्चित असल्याचं बोललं जात आहे. मात्र याबाबत अद्याप अधिकृत घोषणा करण्यात आली नाही. वर्ल्डकपचा उपांत्य फेरीतील आणि अंतिम सामना या मैदानांवर खेळवला जाणाच्यी शक्यता अधिक आहे. सर्वात जास्त प्रेक्षकांना बसण्याची आसनव्यवस्था या स्टेडियमचं खास वैशिष्ट्य आहे. नरेंद्र मोदी स्टेडियममधून तब्बल 1 लाख 32 हजार क्रिडा प्रेमींना क्रिकेटचा सामना पाहता येऊ शकतो. तर कोलकाताच्या ईडन गार्डन मध्ये 66 हजार प्रेक्षकांसाठी आसनव्यवस्था आहे. अंतिम सामन्याच्या आयोजनाच्या स्पर्धेत दिल्ली आणि मुंबईचे स्टेडियमही आहेत, यावर लवकरच निर्णय घेण्यात येणार आहे.