Ayodhya Deepotsav 2022: दीपोत्सवाच्या निमित्ताने संपूर्ण अयोध्या नगरी राममय झाली. आज अयोध्येत एकाच वेळी 15 लाख दिवे प्रज्वलित करून विश्वविक्रम केला आहे. यावेळी पंतप्रधान नरेंद्र मोदीही उपस्थित होते. या वेळी दीपोत्सवाच्या निमित्ताने श्री रामांची ही जन्मभूमी अयोध्या नागरी अतुलनीय सौंदर्याने सजलेली होती. मातीच्या दिव्यांनी सजवलेला सरयू नदीचा घाट सोन्याने भरून गेल्यासारखा भासत होता.
सरयू नदीच्या घाटावर दिव्यांच्या माध्यमातून राम मंदिराचा आकार तयार करण्यात आला होता, जो इतका भव्य आणि दिव्य दिसत होता की सर्वांच्या नजरा तिकडे खिळल्या होत्या. याशिवाय राम की पौडी वरील 15 लाख दिव्यांच्या प्रकाशाने या तेजात भर पडली. हे लक्षात घेण्यासारखे आहे की, अयोध्येतील हा सहावा दीपोत्सव कार्यक्रम होता जो यशस्वीरित्या पार पडला. दीपोत्सवासाठी अयोध्या नगरी नव्या नवरीसारखी सजली आहे. मान्यतेनुसार, ज्या दिवशी भगवान राम १४ वर्षांच्या वनवासानंतर अयोध्येत परतले, त्या दिवशी अयोध्येतील लोकांनी दिवे लावून त्यांचे स्वागत करण्यासाठी दिवाळी साजरी केली. तेव्हापासून दिवाळीची परंपरा सुरू आहे.
अयोध्येत पोहोचताच त्यांनी प्रथम रामललाला पाहिले आणि नंतर राम मंदिराच्या बांधकामाची प्रगती पाहिली. रामकथा पार्क येथे आयोजित कार्यक्रमात त्यांनी जंगलातून परतलेल्या भगवान श्री रामाचा राज्याभिषेक केला. पीएम मोदींनी सरयूच्या काठावर आरती केली आणि सर्वांना दिवाळीच्या शुभेच्छा दिल्या.
मोदींच्या उपस्थितीने संस्मरणीय झाला क्षण
अयोध्येत ऐतिहासिक दीपोत्सवाचे (Ayodhya Deepotsav 2022) आयोजन करण्यात आले आहे. पंतप्रधान नरेंद्र मोदी यांच्या उपस्थितीने हा प्रसंग संस्मरणीय ठरला आहे. दीपोत्सवाच्या कार्यक्रमात पंतप्रधान मोदी उपस्थित राहण्याची ही पहिलीच वेळ आहे. दीपोत्सवाचे उद्घाटन त्यांनी केले. 15 लाख दिव्यांची रोषणाई होताच रामाची नगरी उजळून निघाली. दीपोत्सवाचा हा भव्य सोहळा (Ayodhya Deepotsav 2022) भारताच्या सांस्कृतिक प्रबोधनाचे प्रतिबिंब असल्याचे पंतप्रधान मोदी म्हणाले. शतकांनंतर अयोध्या चमकत आहे.
ते म्हणाले की, “भारताला भूतकाळात अनेक धक्क्यांचा सामना करावा लागला आहे आणि तरीही त्यातून पुन्हा सावरत भाताने आपले उज्ज्वल भविष्य घडवण्यासाठी पुन्हा प्रयत्न केले आहेत ते आपण दिवा लावणे बंद केले नाही म्हणूनच. दिवा स्वतः जळतो आणि अंधार नाहीसा करतो. त्यातून भारताची ताकद दिसून येते.
हे ही वाचा: मोदींची दिवाळी कारगिलच्या जवानांसोबत
Ayodhya Deepotsav 2022: दिवे लावण्याचा जागतिक विक्रम
यावेळी दीपोत्सवात (Ayodhya Deepotsav 2022) 15 लाख 76 हजार 995 दिवे प्रज्वलित करण्यात आले. जो एक विक्रम आहे. गिनीज बुक ऑफ वर्ल्ड रेकॉर्डच्या अधिकाऱ्यांनी मुख्यमंत्री योगी आदित्यनाथ यांना त्याचे प्रमाणपत्र सुपूर्द केले.
अयोध्या दीपोत्सवासाठी (Ayodhya Deepotsav 2022) गेल्या अनेक दिवसांपासून अयोध्या सजवली जात आहे. शहरातील 51 वेशींना भव्य स्वरूप देण्यात आले. हजारो स्वयंसेवकांनी दिवे लावले. त्यामुळे काही वेळातच अयोध्या उजळून निघाली. हा कार्यक्रम यशस्वी करण्यासाठी हजारो लोकांनी अथक परिश्रम घेतले. मुख्यमंत्री योगी आदित्यनाथ प्रगतीची माहिती घेत राहिले. दीपोत्सवाचा कार्यक्रम यशस्वी करण्यासाठी 200 शिक्षक, 150 कर्मचारी आणि 100 हून अधिक जुने विद्यार्थी, 22 हजार स्वयंसेवकांनी अथक परिश्रम घेतले.
राजा रामाचा अभिषेक, हे सौभाग्य
या वेळी जनतेला संबोधित करत असताना मोदी म्हणाले, “श्री रामरायाचे दर्शन आणि नंतर अभिषेक करण्याचे हे सौभाग्य केवळ रामजींच्या कृपेनेच प्राप्त होते. जेव्हा श्रीरामाचा अभिषेक होतो तेव्हा प्रभू रामाचे आदर्श, संस्कार आणि संस्कार आपल्यात दृढ होतात. स्वातंत्र्याच्या अमृतात भगवान रामसारखी इच्छाशक्ती देशाला नव्या उंचीवर घेऊन जाईल. प्रभू रामाने आपल्या शब्दांत, विचारांत, आपल्या कारभारात, प्रशासनात जी मूल्ये रुजवली ती ‘सबका साथ-सबका विकास’
ची प्रेरणा आणि ‘सबका विश्वास-सबका प्रयास’चे आधार आहेत.
एके काळी श्रीरामाच्या अस्तित्वावर प्रश्न उपस्थित केले जात होते
पंतप्रधान मोदी म्हणाले की, “एक काळ असा होता की आपल्याच देशात श्रीरामाच्या अस्तित्वावर प्रश्न उपस्थित केले जात होते. त्याचा परिणाम असा झाला की आपल्या देशातील धार्मिक स्थळांचा विकास मागे पडला. गेल्या आठ वर्षांत धार्मिक स्थळांच्या विकासाचे काम आम्ही पुढे ठेवले आहे. प्रभू श्री रामाचे जीवन सांगते की आपले हक्क आपल्या कर्तव्याने स्वयंसिद्ध होतात. श्रीरामांनी आपल्या जीवनात कर्तव्यावर सर्वाधिक भर दिला. तो जंगलात राहून साधूंसोबत गेला”.
राम मंदिर बनताच पर्यटन वाढेल, पर्यटक येतील
अयोध्येत राम मंदिर निर्माण झाल्यावर पर्यटकांची संख्या वाढेल, असे पंतप्रधान मोदींनी अयोध्येतील जनतेला सांगितले. अशा स्थितीत अयोध्या स्वच्छ असावी आणि येथील लोकांचे वर्तन चांगले असावे. ते इथल्या जनतेने ठरवायचे आहे. ते म्हणाले की, अयोध्येतील नागरिकांचे वर्तनही स्वतःच एक मानक बनले पाहिजे हे किती चांगले आहे.