Apple iPhone 15 | अ‍ॅपल आयफोन १५ : अ‍ॅपलची नेक्स्ट जनरेशन आयफोन 15 (iPhone 15) सीरिज लवकरच बाजारात दाखल होणार आहे. त्याआधी भारतात अ‍ॅपल आयफोन 15 (iPhone 15) चं उत्पादन सुरु करण्यात आलं आहे. अ‍ॅपल कंपनीची पुरवठादार फॉक्सकॉन कंपनीने (Foxconn Technology Group) भारतामध्ये आयफोन 15 तयार करण्यास सुरुवात केली आहे.
तामिळनाडूमध्ये उत्पादन सुरू
Apple आपल्या आगामी अ‍ॅपल आयफोन १५ ( iPhone 15) मालिकेचे उत्पादन तामिळनाडूमध्ये सुरू झाले आहे आणि यामुळे ही सिरीज आता ‘मेड इन इंडिया’ होईल. या निर्णयामुळे अ‍ॅपलने भारतात आपले उत्पादन वाढवण्यासाठी पहिले आणि मोठे पाऊल उचलले आहे. यामुळे कंपनीचे चीनवरील अवलंबित्व कमी होणार असून त्याचा ग्राहकांनाही आगामी काळात फायदा होणार आहे. ब्लूमबर्गच्या (Bloomberg) रिपोर्टनुसार, फॉक्सकॉन टेक्नॉलॉजी ग्रुपने तामिळनाडूमधील श्रीपेरंबुदुर (Sriperumbudur) येथील प्लांटमध्ये आयफोन 15 च्या उत्पादनाला सुरुवात केली आहे.
फॉक्सकॉन टेक्नॉलॉजी ग्रुपची श्रीपेरुम्बुदुर येथील सुविधा सुरु झाली असून आता नवीन iPhone मॉडेल्स तयार करण्यासाठी सज्ज आहे, जे भारतातून आयफोन चे उत्पादन वाढवण्यासाठी एक महत्त्वपूर्ण पाऊल असेल.
चीनमधून उत्पादन कमी करण्याचा अ‍ॅपलचा प्रयत्न
अ‍ॅपलचं सर्वाधिक उत्पादन हे सध्या चीनमधून केलं जात आहे. पण चीनमधील कोविड लॉकडाऊन, आंतरराष्ट्रीय स्तरावर बदलती भूमिका तसेच वॉशिंग्टन आणि बीजिंग यांच्यातील वाढत्या तणावानंतर अ‍ॅपलने चीनमधून उत्पादन कमी करण्यासाठी प्रयत्न सुरू केले आहेत. अ‍ॅपलकडून उत्पादनासाठी चीन वगळता इतर देशांतील पर्यायांची चाचपणी सुरू आहे. अ‍ॅपलने पूर्वीच्या तुलनेत सध्या चीनमधून उत्पादन कमी केलं असून इतर देशांमध्ये उत्पादन वाढवण्यावर भर देण्याचं काम सुरू आहे. भारत हा त्यासाठी एक चांगला पर्याय बनला असून भारतात भविष्यात अ‍ॅपलचं उत्पादन मोठ्या प्रमाणात केलं जाऊ शकतं.
भारतीय आयफोन असेंब्ली चीनच्या खूप मागे
भारतातली अ‍ॅपलची आयफोन असेंब्ली सध्या चीनच्या खूप मागे आहे. तथापि, गेल्या वर्षी हे अंतर लक्षणीयरीत्या कमी झाले आहे आणि वंदे महाराष्ट्र (Vande Maharashtra) ला मिळालेल्या माहिती नुसार मार्चपर्यंत, भारताचा वाटा आता आयफोन उत्पादनात 7 टक्के आहे. भारत आणि चीनमधील शिपमेंटमधील वेळेची असमानता आणखी कमी करणे हे या वर्षीचे उद्दिष्ट आहे. हे लक्ष्य कितपत गाठले जाईल याबद्दल पुरवठादारांमध्ये अनिश्चितता आहे.
भारतात अ‍ॅपल आयफोन १५ ( iPhone 15) च्या उत्पादनाचे यश हे घटकांच्या उपलब्धतेवर अवलंबून आहे, ज्यापैकी बरेचचे आयात केले जातात. त्यासाठी चेन्नईजवळील फॉक्सकॉन प्लांटमध्ये उत्पादन क्षमता वाढवणे ही गरजेचे आहे. फॉक्सकॉन व्यतिरिक्त, भारतीय उत्पादन क्षेत्रातील Pegatron आणि Wistron (जे टाटा समूहाने विकत घेतले आहे) सारख्या इतर प्रमुख कंपन्याही iPhone 15 असेंबल करण्याच्या प्रयत्नात सामील होतील अशी अपेक्षा आहे.
हे ही वाचा : वन प्लस एस २ प्रो : वनप्लसचा पहिला 24GB रॅम स्मार्टफोन लॉन्च
कसा असेल आयफोन 15?
आयफोनच्या या सीरिजमध्ये कंपनी त्यांचे बटनलेस डीझाइन फिचर या सीरिजमध्ये ठेवणार नसल्याचं सांगितलं जात आहे. तसेच आयफोन त्यांच्या जुन्या म्युट बटनामध्ये देखील बदल करणार आहे. अ‍ॅपलच्या अल्ट्रा वॉचचे कस्टमायजेबल फिचर बटन या सीरिजमध्ये असल्याचं म्हटलं जात आहे. पण हे फिचर आयफोन प्रोच्या काही मर्यादित मॉडेलमध्येच ठेवण्यात येईल, असंही सांगितलं जातं आहे.
अ‍ॅपल आयफोन १५ ( iPhone 15) मध्ये अनेक सुधारणा
अ‍ॅपल आयफोन १५ ( iPhone 15) मध्ये अनेक सुधारणा झाल्याच्या बातम्या आहेत. अहवालात असे म्हटले आहे की आगामी मालिका चार मॉडेल्ससह येईल आणि यावेळी सर्वात प्रीमियम मॉडेल प्रो मॅक्स नावाऐवजी अल्ट्रा नाव असेल. याव्यतिरिक्त, नवीन लाइनअपच्या डिझाइनमध्ये सर्व मॉडेल्समध्ये पातळ बेझल्स आणि डायनामिक आइलैंड ही फीचर्स दिली जाणार असल्याची अफवा आहे.
सीरिजच्या स्टँडर्ड आणि प्लस मॉडेल्समध्ये जुने A16 Bionic आहे, तर Pro सीरीजमध्ये नवीन A17 Bionic चिपसेट मिळाल्याची नोंद आहे. यावेळी नवीन मॉडेल्स USB-C पोर्टसह येऊ शकतात. अलीकडे, आयफोन 15 प्लसची एक इमेज लीक झाली होती, ज्यावरून असे दिसून आले आहे की आगामी मॉडेलमध्ये 3LD3 चिप समाविष्ट असेल. सध्या त्याचे नेमके कार्य काय असेल हे माहित नाही, परंतु सुरक्षिततेसाठी किंवा चार्जिंग गतीचे नियमन करण्यासाठी ते चांगल्या डेटा एन्क्रिप्शनसाठी वापरले जाऊ शकते.